MUSALMAN AURTO KA PARDA
ALLAH wa Rasool Sallalahu taala Alayhi wa sallam ne Insani Fitrat ke Taqazo Ke Mutabiq Badkari ke Darwazo Ko Band Karne Ke Liye Aurto Ko Parde Me Rakhne Ka Hukm Diya Hai Parde Ki Farziyat Aur Us Ki Ahmiyat Quran E majeed Aur Hadeeso Se Sabit Hai
Chunanche Quran E majeed Me ALLAH Taala Ne Aurto Par Parda Farz Farmate Huye Irshad Farmaya Ki
“TUM APNE GHARO KE ANDAR RAHO AUR BE PARDA HO KAR BAHAR NA NIKLO JIS TARAH PEHLE ZAMANE KE DOURE JAHILIYAT ME AURTE BE PARDA BAHAR NIKAL KAR GHUMTI FIRTI THI” (Para 22)
Is Ayat Me ALLAH Taala Ne Saaf Saaf Aurto Par Parda Farz Kar Ke Yeh Hukm Diya Hai Ki Woh Gharo Ke Andar Raha Kare Aur Zamana e zahiliyat Ki Be Hayai Wa Be Pardagi Ki Rasm Ko Chor De.
Zamana e Zahiliyat Me Kuffar E Arab Ka Yeh Dastoor Tha Ki In Ki Aurte Khub Ban Sawar Kar Be Parda Nikalti Thi. Aur Bazaro Aur Melo Me Mardo Ke Dosh Ba Dosh Ghumti Firti Thi Islam Ne Is Be Pardagi Ki Be Hayai Se Roka Aur Hukm Diya Ki Aurte Gharo Ke Andar Rahe Aur Bila Jarurat Bahar Na Nikle Aur Agar Kisi Jarurat Se Inhe Ghar Se Bahar Nikal Na Hi Pade To Zamana e Zahiliyat Ke Mutabik Banaw Singhar kar Ke Be Parda Na Nikle Balki Parde Ke Sath Bahar Nikle
HADEES Sharif Me He Ki RasoolAllah Salallahu Taala Alayhi W Sallam Ne Farmaya Ki
“AURAT PARDE ME REHNE KI CHIZ HE JIS WAQT WOH BE PARDA HO KAR BAHAR NIKAL TI HE TOH SETAN US KO JHAANK JHAANK KAR DHEKTA HAI”
Aur Ek Hadees Me Hai Ki
“BANAW SINGHAR KAR KE ITRA ITRA KAR CHALNE WALI AURAT KI MISAAL US TARIKI KI HE JIS ME BILKUL ROSHNI NA HO”
Isi Tarah Hazrate Abu Mus’aa Ashari Radi Allaho Ta’ala Anho Se Riwayat He Ki
“HUZOOR E AQDAS
صلي الله عليه وسلم
Ne Farmaya JO AURAT KHUSBOO LAGA KAR MARDO KE PAAS SE GUZRE TAAKI LOG US KI KHUSBOO SUNGE WOH AURAT BAD CHALAN HAI”
Pyari Behno Aaj Kal Jo Aurte Banaw Singhar aur Urayya Libas Pehen Kar Khusboo Lagae Bila Parda Bazaro Me Ghumti hai Aur Cinema, theatreo Me Jati Hai Woh In Hadeeso Ki Roshni Me Apne Baare Me Khud Faisla Kar Le Ki Woh Kon Hai?
Aur Kitni Badi Gunahgar hai ?
Aey ALLAH ki Bandiyo Tum Khuda Ke Fazl Se Musalman Ho ALLAH wa Rasool ﷺ Ne Tumhe Iman Ki Doulat Se Mala Maal Kiya He Tumhare Iman Ka Taqaza Yeh he Ki Tum ALLAH wa Rasool ﷺ Ke Ahkaam Ko Suno Aur In Par Amal Karo.
ALLAH wa Rasool ﷺ Ne Tumhe Parde Me Rehne Ka Huqm Diya Hai Is Liye Tum Ko Laazim He Ki Tum Parde Me Raha Karo Aur Apne Sohar Aur Apne Baap Dada o Ko Izzat Wa Azmat Aur Un Ke Namush ko Barbaad Na Karo Yeh Duniya Ki Chand Roza Zindagi Aani Faani Hai Yaad Rakho Ek Din Marna Hai Aur phir Qiyamat Ke Din ALLAH wa Rasool ﷺ Ko Munh Dhikhana Hai
Qabr Aur Jahannam Ke Azzabo Ko Yaad Karo Hazrate Khatun E Jannat Bibi Fatima tuzzahra
رضي الله عنهما
Aur Ummat Ki Maao Yani Rasool ﷺ Ki Muqaddas Biwiyo Ke Naqshe Qadam Par Chal Kar Apni Duniya Wa Akhirat ko Sanwaro Aur Khuda Ke Liye Yahood o Nasara Aur Mushrikeen Ki Aurto Ke Tariqo Par Chalna Chor Do.
ALLAH Taala apne Habeeb Ke Sadke khawateen e Islam Ko Is Par Amal Karne Ki Nek Toufik Aata Farma. Aameen
PARDA IZZAT HAI BE IZZATI NAHI
Aaj Kal Baaz Mulhind qism Ke Dushman E Islam Musalman Aurto Ko Yeh Keh Kar Behkaya Karte Hain Ki Islam Ne Aurto Ko Parde Me Rakh Kar Aurto Ki Be Izzati Ki Hai Is Liye Aurto Ko Pardo Se Nikal Kar Har Medan Me Mardo Ke Dosh Ba Dosh Khadi Ho Jana Chahiye !
Magar Pyari Behno khoob Achi Tarah Samaj Lo Ki In Mardo Ka Yeh Propaganda Itna Ganda Aur Ghinona Fareb Aur Dhoka Hai Ki Sayad Shaitan Ko Bhi Na Sujha Hoga.
Aye ALLAH ki Bandiyo Tumhi Insaaf Karo Ki Tamam Kitabe Khuli Padi Rehti Hai Aur Be Parda Rehti He Magar Quraan Sharif Par Hamesha Gilaf Chada Kar Is Ko Parde Me Rakha Jata He Toh Batao Kya Quraan Majid Par Gilaf Chadhana Yeh Quraan Ki Izzat He Ya Be Izzati ?
Isi Tarah Tamam Duniya Ki Masjide Nangi Aur Be Parda Rakhi Gayi He Magar Khana e Kaaba Par Gilaf Chadha Kar Is Ko Parde Me Rakha Gaya Hai Toh Batao Kya Kaaba E Mukaddasa Par Gilaf Chadhana Is Ki Izzat hai Ya Be Izzati ?
Tamam Duniya Ko Malum Hai Ki Quraan E Majeed Aur Kaaba E Muaazama Par Gilaf Chadha Kar In Dono Ki Izzato Azmat Ka Elan kiya Gaya Hai Ki Tamam Kitabo me Sab Se Afzal o Aala Quraan Hai Aur Tamam Masjido Me Afzal O Aala Kaaba E Muaazama he Isi Tarah Musalman Aurto Ko Parde Ka Hukm De Kar ALLAH wa RASOOL Sallallahu taala alahi w sallam ki Taraf Se Is Baat Ka Elan Kiya Gaya hai Ki Akhwame Aalam Ki Tamam Aurto Me Musalman Aurat tamam Aurto Se Afzal o Aala Hai
Pyari Behno Ab Tumhi ko Is Ka Faisla Karna Hai Ki Islam Ne Musalman Aurto Ko Pardo Me Rakh Kar In Ki Izzat Badhai hai Ya In Ki Be Izzati Ki Hai??
KIN LOGO SE PARDA FARJ HAI??
Har Gair Mehram Mard Khwa Ajnabi Ho Khwa Ristedar Bahar Rehta Ho Ya Ghar Ke Andar Har Ek Se Parda Karna Aurat Par Farz Hai
Haan Un Mardo Se Jo Aurat Ke Mehram Hai Parda Karna Aurat Par Farz Nahi.
MEHRAM KAUN HAI??
MEHRAM Woh Mard he Jin Se Aurat Ka Nikah Khabhi Bhi Aur Kisi Surat Me Bhi Jaiz Nahi Ho Sakta Jaise Baap Dada Chacha Mamu Nana Bhai Bhatija Bhanja Pota Nawasa Khusran Logon Se Parda Karna jaruri Nahi Hai Gair Mehram Woh Mard Hai Jin Se Aurat Ka Nikah Ho Sakta he Jese Chacha zad Bhai Mamu zad Bhai Fufi Zad Bhai Khala zad Bhai Jhet Aur Dewar Wagaira Yeh Sab Aurat Ke Gair Mehram Hai .Aur In Sab logon Se Parda Karna Aurat Par Farz Hai Hamare Yahan Yeh Bohat Hi Galat Khilafe Shariat Riwaz He Ki Aurte Apne Dewaro Se Bilkul Parda Nahi Karti Balki Dewaro Se Hansi Mazak Aur In ke Saath Hatha Payi Tak Karne Ko Bura Nahi Samajti.
Halaanki Dewar Aurat Ka Mehram Nahi Hai Is Liye Dusre Tamam Gair Mehram Mardo Ki Tarah Aurto Ko Dewaro Se Parda Karna Farz He Balki HADEES SHAREEF ME TOH YAHA TAK DEWARO SE PARDE KI TAKEED HAI KI DEWAR AURAT KE HAQ ME AISA HI KHATARNAK HAI JESE MOUT AUR AURAT KO DEWAR SE ISI TARAH DOOR BHAGNA CHAHIYE JIS TARAH LOG MOUT SE BHAG TE HAIN
(Sahih Bukhari)
Bahar Haal Khoob Achi Tarah Samaj Lo Ki Gair Mehram Se Parda farz Hai Chahe Wo Ajnabi mard Ho Ya Ristedar Dewar Jeth Bhi Gair Mehram Hai Isliye In Logon Se Bhi Parda zaroori Hai isi Tarah Kuffar Wa Musrikeen Ki Aurto Se Bhi Musalman Aurto Ko Parda Karna Lazim He Aur Un Ko Gharo me Aane Jane Se Rok Dena Chahiye.
MAS’ALA
Aurat ka peer Bhi Aurat ka Gair Mehram Hai Isi liye Mureeda Ko Apne Peer Se Bhi Parda Karna Farz hai Aur Peer Ke liye Bhi Yeh Jaiz Nahi Ki wo Mureeda Ko Be Parda Dekhe Ya Tanhai Me Us ke Paas Bethe Balki Peer Ke Liye Yeh Bhi Jaiz nahi Ki Aurat Ka Hath Pakad Kar Us Ko Bait Kare Jese Ki HAZRATE AAISHA SIDDEEQUA RADIYALLAHU T’ALA ANHA NE AURTO KI BAIT KE MUTALIQ FARMAYA KI HUZOOR SALLALLAHU T’ALA ALAYHI WA SALLAM SE AURTO KA IMTIHAN FARMATE THE JO AURAT IS AYAT KA IQRAR KAR LETTI THI TO AAP SALLALLAHU T’ALA ALEIYHI WA SALLAM US SE FARMATE THE KI MAINE TUJH SE YEH BAIT LELI YEH BAIT BA JARIYE KALAAM HOTI THI KHUDA KI KASAM KABHI BHI HUZOOR SALLALLAHU T’ALA ALAYHI WA SALLAM KA HATH KISI AURAT KE HATH SE BAIT KE WAQT NAHI LAGA ..
(Sahih Bukhari)*
Allah Tabarak W Taala Humari Ma o Bahno Ko Parde Me Rahne Ki Taufeeq Ata Farmaye
AaaaMeeeN Summa AaaaMeeeN
👇👇👇👇👇👇👇👇
