Allah Ke Liye Dosti Aur Dushmani

ALLAH KE LIYE DOSTI AUR DUSHMANI KA BAYAAN 

Sawal

Imaan Ki Cheezo Me Se Sabse Mazboot Kon Cheez Hai??  

Pyare Aaqa Sallallahu Alayhi W Sallam Farmate Hain Ke Imaan Ki Cheezo Me Sabse Mazboot Allah Ke Baare Me Mawalat(Cooperation) (yaani Allah. Ke Liye Kisi ki Madad Karna) Hai Aur Allah Ke Liye Muhabbat Karna Aur Bughz Rakhna Hai

Kaunsa Kaam Allah Ko sabse Pyara Hai??

Aur Farmaya Tumhe Malum Hai Allah Ke Nazdeeq Sabse Jyada Pasand Kaunsa Amal Hai?
Kisi Ne Kaha Namaz Roza Zakat Aur Kisi Ne Kaha Jihaad
To Aaiye Jaante Hain Ke Allah Ke Nazdeeq Kaunsa Amal Sabse Jyada Pasand Hai
Allah Taala Kaunsa Kaam Jyada Pasand Karta Hai..

Pyare Aaqa Sarware Kainat Sallallahu Alayhi W Sallam Farmate Hain Ke Sabse Jyada Allah Ko Pyara Amal Allah Ke Liye Dosti Aur Bughz Rakhna Hai Aur Farmaya Jis Kisi Ne Allah Ke Liye Muhabbat Ki To Usne Rabb Taala Ka Ikram Kiya Aur Farmaya Allah Ke Liye Muhabbat Rakhne Wale Arsh Ke Gird (Arsh Ke Paas) Yaqut Ki Kursi Par Honge
Subhan Allah Subhan Allah

Aur Farmaya Allah Taala Irshad Farmata Hai Ke Jo Laug Meri Wajah Se Aapas Me Muhabbat Rakhte Hain Ek Dusre Ke Paas Baith Te Hain Aur Aapas Me Milte Julte Hain
Aur Maal Kharch Karte Hain Unse Meri Muhabbat Wajib Ho Gayi
Subhan Allah Subhan Allah Dekha Dosto Aapne Allah Taala Farma Raha Hai Ke Agar Tum Kisi Se Muhabbat Karo To Meri Wajah Se Rakkho Aur Agar Tum Kisi Ke Liye Bughz Rakkho Kisi Se Nafrat Karo To Bhi Meri Wajah Se Karo

Aadmi Uske Saath Hai Jis Se Muhabbat Karta Hai 

Ek Shakhs Ne Arz Ki Ya Rasoolallah Sallallahu Alayhi W Sallam Uske Mutalliq Kya Irshad Hai Jo Kisi Qaum Se Muhabbat Rakhta Hai Magar Unse Kabhi Mila Nahi Yaani Sohbat Hansil Na Huyi Ya Usne Un Jaise Aamal Nahi Kiye
Irshad Farmaya Aadmi Uske Saath Hai Jis Se Wo Muhabbat Karta Hai

Is Hadeese Paak Se Malum Hota Hai ke Achcho Ki Muhabbat Achcha Bana Deti Hai Aur Uska Hashr  Achcho Ke Saath Hoga
Aur Bado.n ki Muhabbat Bura Aur Uska Hashar Bado.n (Buro) ke Saath Hoga

Jo Jiske Saath Muhabbat Rakhta Hai Uska Hashr Uske Saath Hoga 

Ek Shakhs Ne Arz Ki Ya Rasoolallah Sallallahu Alayhi W Sallam Qayamt Kab Hogi??

Farmaya Tune Uske Liye Kya Tayyari Ki Ha?? 
Usne Arz Ki Iske Liye Maine Koie Tayyari Nahi Ki Hai Sirf Itni Baat Hai Ke Main  Allah W Rasool Sallallahu Alayhi W Sallam Se Muhabbat Rakhta Hoon
To Aap Sallallahu Alayhi W Sallam Ne Farmaya Tu Unke Saath hai  Jinse Tujhe Muhabbat Hai
Hazrat Anas Radhiyallahu Anhu Kahte Hain Ke Islam Ke Baad Musalmano Ko Jitni Is kalme se Khushi Huyi Aisi Khushi Maine Kabhi Nahi Dekhi
Subhan Allah Subhan Allah

Dosti Kis Se Karni Chahiye?? 

Aur Aap Sallallahu Alayhi W Sallam Ne Farmaya Aadmi Apne Dost Ke Deen Par Hota Hai Use Ye Dekhna Chahiye ke Kis Se Dosti Karta Hai Aur Farmaya Allah Taala Ne Ek Nabi Alayhis Salaam Ke Paas Wahi Bheji Ke Fula.n Zaahid Se Kahdo Ke Tumhara Zahid Aur Duniya Se Be Rugbati Apne Nafs Ki Raahat Hai Aur Sabse Juda (Alag) Ho Kar Mujhse Ta.alluq Rakhna Ye Tumhari Izzat Hai Jo Kuch Mera Tum Par Haq Hai Uske Muqabil Kya Amal Kiya?
 Arz Karega Ai Rabb Wo Kaunsa Amal Hai?
Irshad Hoga Kya Tumne Meri Wajah Se Kisi Se Dushmani Ki Aur Mere Baare Me Kisi Wali Se Dosti Ki

Dosti Dushmani Ke Ba.az Aadaab

Aap Sallallahu Alayhi W Sallam Ne Farmaya Ke Jab Ek Shakhs Dusre Se Bhaia Chara Kare To Uska Naam Aur Uske Baap Ka Naam Poochhle Aur Wo Kis Qabeele Se Hai Ke Us Se Muhabbat Jyada Paayadar Hogi
Aur Farmaya Jab Ek Shakhs Dusre Se Muhabbat Rakkhe To Use Khabar Karde Ke Main Tujhse Muhabbat Rakhta Hoon
Aur Farmaya Dost Se Thodi Dosti Kar Ke Ajab Nahi Ke Kisi Din Wo Tera Dushman Ho Jaayega
Aur Dushman Se Dushmani Kar Door Nahi Ke Wo Kisi Roz (Kisi Din)  wo Tera Dost Ho Jaaye

To Dosto Hame Bhi Allah W Rasool Sallallahu Alayhi W Sallam Ke Liye Hi Dosti Aur Dushmani Karni Chahiye Agar Koie Allah W Rasool Ka Mukhalif Ho To Use Door Rakhna Chahiye Aur Allah W Rasool Sallallahu Alayhi W Sallam Ka Pyara Ho To Use Apne Seene Ke Paas Rakhna Chahiye Apne Dil Me Rakhna Chahiye
Allah Tabarak W Taala Apne Pyaro Ki Muhabbat Humare Seeno Me Daale
اللہم آمین ثم آمین یا رب العالمین
Reference
Qanoone Shariyayt
Page 488-489

Dosto Ye Post Padh Kar Apne Dosto Se Share Zaroor Kare
Aur Agar Isme Koie Qism Ki Kami Beshi Ho To Comment Box Me Apna Mashwara De Sakte Ho