Mayyat Aur Janaze ke Adaab Ka Bayaan In Roman

Mayyat Aur Janaze ke Adaab Ka Bayaan

Hazrat Abu hurairah Radiyallahu Ta'ala Anhu
Nabi e Kareem Sallallahu Alaihi W sallam
Se Riwayat Karte hain ki Aap
Sallallahu Alaihi W sallam
Ne Farmaya
Janaze ko Jaldi Uthao kyunki
Agar Wo nek Shakhs ka hai to

Tum usey bhalayi ki taraf bhej rahe ho
aur Agar uske siwa Yani kisi
Gunahgaar ka hai to
Tum Ek Buraayi ko Apne gardano se Utaar Rahe ho
(Bukhari Sharif Kitab Al JanaiZ jild 1/442
Muslim Sharif Jild 2/651)




Hazrat Ayesha Radiallahu Ta'ala Anha
Se Marwi hai ki
Nabi e Kareem Sallallahu Alaihi W sallam
Ne Farmaya
Jis Mayyat par bhi Musalmano
ki ek aisi Jamaat Namaze Janazah
Padhe
Jinki Tadaat 100 Tak pahunchti ho
Aur unme se
Har Aadmi us Mayyat ki Shafa'at
karen to uske Haq me Unki Shafaat Qubool Hoti hai
(Sahih Muslim Kitabul janaiz jild 2/654
Tirmizi  jild 3/348)


Hazrat Abu Saeed Khudri Radiyallahu Ta'ala Anhu
Riwayat kerte hain
ki
Nabi e Kareem Sallallahu Alaihi W Sallam
Ne Farmaya Apne Marne Walo ko
"La'ilaaha illallah"
ki Talqeen kia kro
(Sahih Muslim Kitabul janaiz jild 2/631)




Hazrat Abuhurairah Radiyallahu Ta'ala Anhu
Nabi e Kareem Sallallahu Alaihi W sallam
Se Riwayat Karte hain ki Aap
Sallallahu Alaihi W sallam
Ne Farmate Huye Suna
Jab tum Mayyat ki Namaze Janazah
padh chuko to Uske lie khuloos dil se
Duaa kiya kro
(Abu Daud jild 3/210
Ibne Majah jild 1/480




Nabi e Kareem Sallallahu Alaihi W sallam ke gulam
Hazrat Abu Rafey Aslam Radiyallahu Ta'ala Anhu
Se Marwi hai ki
Nabi e Kareem Sallallahu Alaihi W sallam Ne Farmaya jis Aadmi ne kisi
Mayyat ko Ghusal diya
Aur Uska Raaz Poshidah Rakha
to Allah Ta'ala 40 Martaba uski maghfirat Farmega
(Hakim Al mustadrak jild 1/505
Tibrani jild 1/315)

👇👇👇👇👇👇👇👇👇👇👇👇👇👇👇

Is Post Ko Apne Tak Hi Mahdood Na Rakkhe 
Apne Dosto Se Bhi Share  kare Kya Pata  Aapke Ek Share Se Kisi Ki Islah Ho Jaaye 
Aur Wo Aapke Liye Sadqa E Jaariyah Ban Jaaye 
Jazaakallahu Khair